അതി വിശിഷ്ടമായ പഠന കേന്ദ്രത്തിന്റെയും പഠന ഉപകരണങ്ങളുടെയും ഉന്നത വിദ്യാഭ്യാസവും വിദഗ്ദ പരിശീലനവും നേടിയ അധ്യാപകരുടെയും സഹായത്തോടു കൂടിയാണ് Britco & Bridco വിദ്യാര്‍ത്ഥികളെ പരിശീലിപ്പിക്കുന്നത്. അത് പോലെ നവീനാശയങ്ങള്‍ ഉള്‍ക്കൊള്ളുന്ന ലളിതമായ മികച്ച സിലബസ്. കേവലം പത്താം ക്ലാസ് മാത്രം പഠിച്ച വിദ്യാര്‍ത്ഥികളെയും ഈ മേഖലയില്‍ പ്രാപ്തരാക്കുന്നു.

കേരളത്തിലെ മുന്‍ നിര മൊബൈല്‍ ഫോണ്‍ ഓപ്പറേറ്റര്‍മാരായ എസ്കോട്ടല്‍ മൊബൈല്‍ കമ്മ്യുണിക്കെഷന്‍സ് ലിമിറ്റഡ് (ഇപ്പോള്‍ ഐഡിയ സെല്ലുലാര്‍ ലിമിറ്റഡ്) ചാനല്‍ ടെക്നിഷ്യന്‍മാര്‍ക്ക് പരിശീലനം നല്‍കിയാണ്‌ Britco & Bridco മൊബൈല്‍ ഫോണ്‍ പരിശീലന സ്ഥാപനം ആരംഭിച്ചത്. ഇന്ന് ഇന്ത്യയില്‍ എല്ലാ സംസ്ഥാനങ്ങളില്‍ നിന്നും കൂടാതെ നൈജീരിയ, ശ്രീലങ്ക, ഉഗാണ്ട, കാനഡ, ബ്രിട്ടന്‍, അമേരിക്ക, മൗറീഷ്യസ്, നേപ്പാള്‍, ടിബ്ബറ്റ്, തുടങ്ങിയ വിദേശ രാജ്യങ്ങളില്‍ നിന്നും വിദ്യാര്‍ഥികള്‍ ഇവിടെ പഠിച്ചു വരുന്നു.

കേവലം സര്‍ട്ടിഫിക്കറ്റുകള്‍ നല്‍കുക മാത്രമല്ല Britco & Bridco ചെയ്യുന്നത്, പകരം തൊഴില്‍ ചെയ്യാന്‍ പ്രാപ്തരായ ടെക്നിഷ്യനെ വാര്‍ത്തെടുക്കുകയാണ്. തൊഴില്‍ പഠന കോഴ്സ് പൂര്‍ത്തിയാക്കി സര്‍ട്ടിഫിക്കറ്റുമായി ഇറങ്ങുന്നവര്‍ക്ക് തൊഴില്‍ ഭംഗിയായി ചെയ്യാന്‍ അറിഞ്ഞിരിക്കണം എന്ന് ഇവിടെ ഉറപ്പാക്കുന്നു. ഇതനുസരിച്ചാണ് സിലബസ് തയ്യാറാക്കിയിട്ടുള്ളത്. സമഗ്രമായ തിയറി ക്ലാസ്സുകളും റിപ്പയറിംഗ് പ്രക്ടിക്കലുകളും ഇതിനായി ഒരുക്കിയിരിക്കുന്നു. കൂടാതെ ആശയവിനിമയ ശേഷി മെച്ചപ്പെടുത്തുന്നതിനും പ്രത്യേക സംവിധാനം ഒരുക്കിയിട്ടുണ്ട്. കൂടാതെ കേരളത്തില്‍ നിന്നുള്ള വിദ്യാര്‍ത്ഥികളെ കേരളത്തിന്‌ പുറത്തുള്ള കേന്ദ്രങ്ങളിലേക്ക് തൊഴില്‍ ചെയ്യാനയച്ചു പരിശീലനം നല്‍കി, ഭാഷാ ശേഷിയും വ്യക്തിത്വ മികവും വര്‍ധിപ്പിച്ചു സ്വന്തമായി സ്ഥാപനം തുടങ്ങാനുള്ള പ്രാപ്തിയും വളര്‍ത്തിയെടുക്കുന്നു.

SSLCയോ +2വോ മാത്രം പഠിച്ച അനേകം യുവാക്കള്‍ക്ക് വേഗത്തില്‍ തൊഴില്‍ സമ്പാദിക്കാനും ഉയര്‍ന്ന വരുമാനം നേടാനും Britco & Bridco യിലുള്ള പരിശീലനം സഹായകമായി. ഇന്ത്യയിലെ വിദേശത്തുമായി ജോലി ചെയ്യുന്ന Britco & Bridco യുടെ പൂര്‍വ്വ വിദ്യാര്‍ത്ഥികള്‍ ഇതിന്റെ തെളിവാണ്. സ്വന്തം സ്ഥാപനങ്ങള്‍ ആരംഭിച്ചു മറ്റുള്ളവര്‍ക്ക് തൊഴില്‍ ലഭ്യമാക്കുന്ന സംരഭകരായി മാറാനും Britco & Bridco യുടെ പൂര്‍വ്വ വിദ്യാര്‍ത്ഥികള്‍ക്ക് കഴിഞ്ഞിട്ടുണ്ട്.